Anorak - Fosforli ichki va tashqi dekorativ bo'yoq 5 KG

Anorak – ichki va tashqi sirtlar uchun dekorativ fosforli boʻyoq boʻlib, yuqori sifatli akril polimer bogʻlovchi asosida ishlab chiqarilgan.  

Xususiyatlari: 

• devorlarni bezaydi, himoyalaydi 

• tashqi muhit taʼsiriga nihoyatda chidamli, ekologik toza. 

• qurigandan keyin sahro qumiga oʻxshash mayda zarrali, boshqa mahsulotlarda topilmaydigan fosforli effektlar hosil qiladigan ajoyib boʻyoq. 

Boʻyash qoidalari: 

1. Boʻyashdan oldin sirtni kir, chang, yogʻ qoldiqlaridan, eski boʻyoqlardan tozalab tashlang. 

2. Sement yoki gips bilan suvalgan, gipsokarton qoplangan devorlarni, beton panellarni boʻyash mumkin. 

3. Boʻyashdan oldin sirtni shpatlevka bilan tekislang. Soʻng 1:7 nisbatda suv bilan aralashgan Dafero astar boʻyogʻini suring. Astar boʻyogʻi 1-3 soatda qotadi. 

4. Astar boʻyogʻi qotgach, suvli emulsiya suriladi. Emulsiya 4-5 soatda qurigach, Anorak boʻyogʻi bilan choʻtkani gorizontal, vertikal va kesishuvchi yoʻnalishlarda tortib, istagancha fosforli effektlar hosil qilish mumkin. 

Boʻyoq sarfi: 6-7 m2 / kg (bir marta boʻyaganda). 

Boʻyoq sarfi naqshlarning murakkabligiga, yuzaning holatiga qarab oʻzgarishi mumkin. 

Eslatma: Anorak boʻyogʻi – ekologik toza, insonga ham, tabiatga ham zarar keltirmaydigan xavfsiz mahsulotdir. 

Sirt bilan bogʻlovchi negiz: akrilli dispersiya. 

Saqlash: ogʻzi yopiq idishda +5°C...+30°C haroratda, quyosh nuri zarar bermaydigan sharoitda saqlang. 

Saqlash muddati: ishlab chiqarilgan kundan boshlab 12 oy.