IT xizmatlar - CRM, ERP, biznesni avtomatsiyalashtirish

REALSOFT 

THINK                                         GROW                                    INNOVATE

“Realsoft” kompaniyasiga 2001-yil Buxoroda tamal toshi qo‘yilgan. 3 nafar ta’sischi Hikmatillo Nasrulloyev, Hayot Nasrulloyev va hozirda faoliyatini Navoiy viloyatida davom ettirayotgan Dilshod aka tomonidan kompaniyaga asos solindi. 

Kompaniya dastlab “BuxaraSoft” nomi bilan ish boshladi. Buxoroda qishloq xo‘jaligi va hokimiyat yo‘nalishi bo‘yicha dasturlar ishlab chiqildi. Misol tariqasida o‘sha davrda respublikada ancha mashhur bo‘lgan kadrlar bilan ishlash dasturini ham keltirsa bo‘ladi. 

Kompaniya Buxoroda o’z ishlanmalarini muvaffaqqiyatli olib borib, 2015 yilning oktyabr oyidan boshlab faoliyatini Toshkentda davom ettiradi. Dekabr oyida Qishloq xo‘jaligi agentligi va Agrobankdan birinchi buyurtmalar olindi. Har bir buyurtmaning qiymati 25 mln so‘m bo‘lgan. Bu esa yillik 300 mln so‘m daromad olish rejasi paydo bo‘lishiga sabab edi. Garchi kompaniya tarkibida sanoqli xodimlar bo‘lsada, buyurtmalar samarali tarzda tayyorlangan. 

2018 yil yakunidan boshlab jamoa kengaya boshladi. “Smart office” ni 2011 yillardagi birinchi poydevorlaridan deyish mumkin. Kompaniya ayniqsa, qishloq xo‘jaligi yo‘nalishida turli tashkilotlar bilan hamkorlikda bir qator loyihalarni taqdim etdi. Hozirgi kunga kelib esa umumiy hisobda komponentlar bilan birgalikda 200 dan ortiq dasturlar ishlab chiqilgan.

Bugungi kunda dasturiy mahsulot ishlab chiqarish bilan shug‘ullanayotgan firma va kompaniyalar soni ko‘p. “RealSoft” mahsulotlari esa faqat haqiqiy, eng yaxshisi, namunali dasturlar bo’lishini istaganmiz. Shu boisdan ham kompaniya nomiga “real” so‘zi qo‘shilgan. 

O’sha paytlari xorijda kompaniyaning filiallarini ochish yoki mahsulotlarni chet mamlakatlariga sotish ustuvor vazifa emas edi. Sababi O‘zbekistonning o‘zida ham axborot texnologiyalari va dasturiy mahsulotlarga talab juda yuqori bo’lgan. Mamlakatimizga bugun juda ko‘p dasturchilar kerak. Agar kompaniya urg‘uni xorij davlatlariga qaratsa, yurtimizdagi dasturiy mahsulotlarga bo‘lgan talabga doir vaziyat barqaror bo‘lmay qolar edi.  

• “O’tgan yillar davomida O‘zbekistonda ham IT sohasiga bo‘lgan talab oshib, raqobat ham ko‘paydi. Ichki bozorda tan olinish uchun tashqi bozorda ham tan olingan bo‘lish kerak” degan edi ustozimiz Samoiddin Qosimovich. 

Shu fikrdan so’ng kompaniyaning xorijdagi filliallarimizni ochishni reja qildik. Dunyoni 5 mintaqaga ajratgan holda, Shimoliy va Janubiy Amerika xududi uchun AQSH ning Denever shtatida “RealSoft Americas”, Yevropa bozori uchun London shahrida “RealSoft Europe”, Osiyo mintaqasi uchun Malayziyaning Kuala-Lumpur shahrida “RealSoft Asia”, Yaqin sharq va Sharqiy Afrika davlatlari uchun BAA ning Dubay shaharlarida ”RealSoft MENA” filliallarimiz mahsulot va xizmatlarimizni yuritish uchun ishlab turibdi. Yaqin kunlarda esa MDH davlatlari uchun yana bir filialimizni ochishni reja qilganmiz.           

Kompaniya bosh maqsad sifatida avvalo mamlakatimizda dasturiy ta’minot va shu yo‘nalish bilan bog‘liq talabni qondirishni maqsad qilgan. “RealSoft” bundan keyin ham buyurtmachilarga eng zamonaviy va ishonchli dasturiy mahsulotlarni taqdim etishda davom etadi.