Glifort 50% s.e ""O'g'it""

TA’SIR ETISH USULI VA XUSUSIYATLARI:

Glifort 50% s.e preparati tarkibi Glifosat tizimli kontakt va tanlagan (faqat ko‘rsatilgan ishlov bo‘yicha hamda foydali ekinlarga tegmagan holda) to‘liq ta’sir etuvchi gerbitsid bo‘lib, bir yillik va ko‘p yillik ikki pallali va boshoqli begona o‘tlar ustidan uzoq vaqt faol nazorat qiladi. Preparat begona o‘tlarning yer usti va yer osti qismini to‘liq quritib yo‘q qiladi. Preparat ishlovdan 2-3 soat o‘tgandar so‘ng ekinga singadi va uning vizual ta’siri 7-10 kundan so‘ng ko‘rinadi va albatta begona o‘tlarni to‘liq yo‘q bo‘lib ketishiga 2-3 xafta kerak bo‘ladi. Bir yillik begona o‘tlarni qurishiga 2-4 kun, ko‘p yillik begona o‘tlarni qurishiga 7-10 kun kerak bo‘ladi va bu albatta begona o‘tlarning rivojlanish va o‘sish bosqichini hisobga olgan xolda namoyon bo‘ladi. Bulutli va sovuqroq ob-havo gerbitsidning faol ishlashini sekinlashtiradi. Begona o‘tlarni to‘liq bir mavsum davomida yoki bir yillik o‘tlarlardan kamida 20-60 kunga himoya qilib turadi va bu albatta begona o‘tlarning ikkinchi avlodi chiqishini inobatga olgan holda. Gerbitsiddan yuqori natija olish uchun tuproq yetarli darajada nam bo‘lishi va xavo ochiq bo‘lishi lozim. Ko‘p yillik boshoqli o‘tlar 4-5 barg chiqargan va bo‘yi 10-20 sm bo‘lishi, ko‘p yillik keng pallalilar gullash fazasida bo‘lishi, bir yillik boshoqli kamida 5 barg chiqargan va keng pallalilar esa kamida 2 haqiqiy bargdan iborat bo‘lgan pallada sepish yuqori samara beradi. Bundan tashqari 3-4 soat ichida yomg‘ir yog‘ishi kuzatilayotgan yoki ekinlar qurg‘oqchilikda, shudring va qirov tushganda hamda tuprok birdaniga kul’tivatsiyadan chiqqandan so‘ng qo‘llamaslik kerak.

Eslatma: * 1 ga uchun 100-200 litr ishchi eritma ishlatiladi. Bir yillik va boshoqli begona o‘tlar uchun kam sarf me’yorda ya’ni 1,5-3,0 litr miqdorda hamda ko‘p yillik va ikki pallali begona o‘tlar uchun esa oshirilgan me’yorda ya’ni 3,0-4,0 litr mikdorda qo‘llash tavsiya etiladi.